FANATSARANA NY FITANTANANA NY LOHARANON-KARENA MIFOTOTRA AMIN’NY MAHA OLONA
✅ Notanterahina ny Alakamisy 30 Mey 2024 teny amin’ny « Ecole Supérieure Polytechnique » Vontovorona tamin’ireo mpandraharaha mivondrona ao amin’ny « Syndicat du Personnel Administratif et Technique des Universités » (SPATU) rantsana Antananarivo, ny fampahafantarana ireo antokondraharaha misy ao amin’ny Fitaleavana Ankapoben’ny Asam-panjakana eto anivon’ny Ministeran’ny Asa ny Fampananan’asa ary ny Asam-panjakana.
✅Ny Tale Jeneralin’ny Asam-panjakana Andriamatoa RAMAROSON Heridja no nitarika izany teny an-toerana niaraka tamin’ireo Tale sy Lehiben’ny Sampandraharaha isan-tsokajiny avy, nanambarany ny mahazavadehibe izao fampahafantarana izao satria ao anatin’ny Politika Ankapoben’ny Fanjakana amin’ny Andry Voalohany ny Fitantanana ny loharanon-karena mifototra amin’ny mahaolona, manaraka izany ihany koa ny Fanjakana Tsaratantana.
✅Izany fampahafantarana izany dia narahina fampiofanana momban’ny Lalàna mifehy ny Fitantanana ny loharanon-karena arak’olon’ny fanjakana, ny Etika sy ny Deontolojia, ny atao hoe  » Digitalisation des Equivalence administrative des titres des diplômes », ny « standard de service », ny « AUGURE compte Agent », ary ireo fiofanana afaka sitrahan’ireo mpiasam-panjakana.
✅Marihina moa fa ezahina ny hanohy izao hetsika Fampahafantarana sy fampiofanana izao manerana ny Nosy.