Taom-pambolen-kazo 2024 ☀️🌵TANAMASOANDRO: FANOMBOHANA OFISIALY
👉Nosokafana tamin’ny fomba ofisialy androany Zoma 26 Janoary ny taom-pambolen-kazo manerana ny Nosy amin’ity taona 2024 ity. Ny Filohampirenena no nitarika ny lanonana tamin’izany, teny « Tanamasoandro » (Imeriantsiatosika). Voasolotena avokoa ireo Andrimpanjakana, Fikambanana isankarazany sy ny hery-velona rehetra…
🤜Nandray anjara mavitrika tamin’ny hetsika ny avy eto amin’ny Ministeran’ny Asa, ny Fampananan’asa ary ny Asampanjakana tarihin-dRtoa RAZAKABOANA Hanitra Fitiavana. Ity farany izay notrononin’ireo mpiara-miasa akaiky aminy eo amin’ny fitantanana ny Minisitera.
✌️Tsy latsa-danja amin’ny nataon’ny Minisitera ihany koa ny fandraisana anjara avy amin’ireo Minisitera sy Andrimpanjakana ary ireo Vondrona samihafa nandritra ny lanonam-panokafana ofisialy. Izay azo itarafana ny firaisankina sy firaisan-tsaina eo anivon’ny Fitondrampanjakana ankehitriny.
🙏Anisan’ny nisongadina tao amin’ny lahaten’Atoa Filohampirenena ny hanombohana tsy ho ela ny fanorenana ny tanana vaovao « Tanamasoandro » eny Imerintsiatosika. Mariky ny fahavononana ananany sy ireo mpiara-mitantanana aminy hitondra fanovana sy rivo-baovaovao eto amin’ny tany sy ny Tanindrazana.