KORANAM-PIRAHALAHIANA TEO AMIN’IREO « INSPECTEURS DE TRAVAIL » SY NY « CONTRÔLEURS DE TRAVAIL »
Notanterahina ny zoma 05 may 2023 lasa teo teny amin’ny INTRA Ivato, ny fiaraha-mifaly niarahan’ireo antokon’asa roa izay misahana ny « ASA » eto Madagasikara, dia ny « Inspecteurs de travail, sy ny Contrôleurs de travail » izany.
Tonga nanotrona izany ny Ministry ny Asa, ny Fampananan’Asa, ny Asam-panjakana, ny Lalana Sosialy, Andriamatoa RIVOTIANA Jean Bosco. Nasiany tsindrim-peo manokana ny fahatsorana sy ny firaisan-kina eo am-panatanterahana ny asa.
Taorian’ny fanokafana nataon’ny Minisitra dia nisy ny famonoana omby mifahy, izay natao nofon-kena mitam-pihavanana, nozaraina tamin’ireo mpikambana rehetra sy ireo nanotrona. Nisy ihany koa ny fiaraha-misakafo sy fialana hetaheta, ary fizarana mofomamy ho mariky ny firahalahiana.
Ny zoky amin’ireto ITLS ireto, dia ny Talé Jeneraliny fampiroboroboana ny Asa (DGPE), Ramatoa RASOATSIANGIZINA Eudoxie no nitondra ny teny fiarahabana sy fanazavana fohy mahakasika ireto antokon’asa ireto . Amin’ny maha-ITLS azy, teo ihany ko any Talé Jeneralin’ny Asa sy ny Lalana Sosialy (DGTLS), Ramatoa RAZAKABOANA Hanitra Fitiavana sy ireo Talé misahan’andraikitra ato amin’ny MTEFPLS; ireo Talém-paritra, ary ireo avy amin’ny ministera sy sampan-draharaha samihafa.
Totorebika, Korana sy dihy no namaranan’ireto ICTLS ireto ny fotoana.

























